Irish for Teachers

Tá clár nuálach dhá bhliain dá thairiscint ag Coláiste na Tríonóide, Baile Átha Cliath, in éineacht le hInstitiúid Oideachais Marino, clár atá dírithe ar scileanna múinteoirí cláraithe iar-bhunscoile sa Ghaeilge a fheabhsú.

Beidh rannpháirtithe an chláir in ann clárú chun an Ghaeilge a mhúineadh go dtí leibhéal na hArdteistiméireachta i scoileanna tar éis dóibh an clár a chur i gcrích go rathúil.

Cuirfear an clár páirtaimseartha seo, a thosóidh mí Eanáir 2025, ar fáil ar bhealach solúbtha agus nuálaíoch chun freastal ar mhúinteoirí atá ag obair go lánaimseartha nó go páirtaimseartha, agus chun freastal ar dhaoine atá lonnaithe ar fud na tíre.Beidh Teastas Iarchéime ar fáil ag deireadh bhliain a haon, nó An Dioplóma Iarchéime ag deireadh an chúrsa (2 bhliain). Is gá an Dioplóma le cáiliú le Gaeilge a theagasc.